زابل؛ په شاجوى ولسوالۍ کې د فوټبال سيالۍ د اتحاد الف لوبډلې په ګټه پاى ته ورسېدې
د زابل ولايت د بدني روزنې او ورزش امريت او فوټبال فدراسيون استازولۍ په ګډه همغږۍ د يونسيف موسيسې په مالي مرسته په شاجوى ولسوالۍ کې د څلور لوبډلو ترمنځ د فوټبال سيالۍ د اتحاد الف لوبډلې په ګټه پاى ته ورسېدې.
د دغو سياليو په پايلوبه کې د مرکز قلات ښار اتحاد الف لوبډلې شاجوى منتخبې لوبډلې ته د ٢-٠ ګولونو په توپیر ماتې ورکړه او بريا يې خپله کړه.
دغو سياليو چې درې ورځې يې دوام وکړ اتحاد الف، اتحاد ب شاجوى منتخبې او شاجوى ځوانانو لوبډلو برخه لرله.
د دغو سياليو موخه د پوليو(ګوزڼ) ختمول او د دې ناروغۍ په اړه خلکو ته پوهاوى ورکول دي.
په پاى کې ورزشکارانو ته ورزشي وسايل او ستاينليکونه هم ورکړل شول.
