زابل؛ په اطغر ولسوالۍ کې د محلي غېږنیونې سیالۍ ترسره شوې
د زابل ولایت د بدني روزنې او ورزش امریت په لارښوونه په اطغر ولسوالۍ کې د ۹۰ غېږنیونکو ترمنځ د محلي غېږ نیونې سیالۍ ترسره شوې.
په دغو سیالیو کې د زابل ولایت د اطغر ولسوالۍ د محلي غېږنیونې د پهلوانانو ترڅنګ د کندهار د معروف ولسوالۍ غېږ نیونکو هم ګډون کړی و.
هېره دې نه وي چې دغو سیالیو درې ورځې دوام وکړ او په پایله کې د اطغر ولسوالۍ غېږنیونکو لومړی مقام ترلاسه کړ.
باید یادونه وشي چې د دغو دودیزو او محلي سیالیو موخه له انګریزانو څخه د خپلواګۍ د ۱۰۴ کالیزې نمانځل و.
