زابل؛ په ارغنداب ولسوالۍ کې د ۲۰ لوبډلو ترمنځ د اختريز جام په نوم د ټېپ بال کرکټ سيالۍ پيل شوې
د زابل ولايت د بدني روزنې او سپورټ امريت له لوري د ياد ولايت په ارغنداب ولسوالۍ کې د ۲۰ لوبډلو ترمنځ د اختريز جام په نوم د ټېپ بال کرکټ سيالۍ د سليمان زو لوبډلې په بريا پيل شوې.
د يادو سياليو لومړنۍ لوبه د سليمان زو او اراکو لوبډلو ترمنځ ترسره شوه، سليمان زو لوبډلې د لوبې پچې په گټلو سره په ټاکلو ۱۲ اورونو کې سيالې لوبډلې ته د ۱۷۹ منډو هدف کېښود، اراکو لوبډلې ياد هدف ترلاسه نه کړ او د ۶۱ منډو په توپير يې ماته ومنله.
د يادونې وړ ده، چې دغه سيالۍ به لس ورځې دوام وکړي.
