زابل؛ په ارغنداب ولسوالۍ کې د ۱۶ لوبډلو ترمنځ د ټېپ بال کرکت سيالۍ پيل شوې
د زابل ولايت د بدني روزنې او ورزش امريت له لوري په ارغنداب ولسوالۍ کې د ۱۶ لوبډلو ترمنځ د اختریز جام په نوم د ټېپ بال کرکټ سيالۍ پيل شوې.
د دغو سياليو د پيل لوبه د تناره او کرامت لوبډلو ترمنځ ترسره شوه، لومړی توپوهنه کرامت لوبډلې ترسره کړه او په ټاکلو ۱۲ اورونو کې يې سيالې لوبډلې ته د څلورو لوبغاړو په زيان ۱۳۵ منډې هدف کېښود، د لوبې په دويمه پاڼۍ کې تناره لوبډله د ياد هدف په پوره کولو کې پاتې راغله او په شپږو ويکټو يې ماتې وخوړه.
د يادونې وړ ده چې دغه سيالۍ به ۱۰ ورځې دوام وکړي.
