زابل؛ مرکز قلات ښار کې د ۵۰ لوبغاړو ترمنځ د توپ ډنډې سیالۍ ترسره شوې
د زابل ولایت د بدني روزنې او ورزش امريت اړوند د ملي او دوديزو لوبو د مدیریت له لوري د ياد ولايت په مرکز قلات ښار کې د دوو کليو د ۵۰ لوبغاړو ترمنځ د توپ ډنډې سيالۍ ترسره شوې.
دغه سيالۍ د بازار او سحراني د کليو لوبغاړو ترمنځ ترسره شوې، چې په پايله کې د سحراني کلي لوبغاړو په بريا پای ته ورسېدې.
د يادو سياليو موخه ملي او دوديزو لوبو ته وده ورکول و، چې يوه ورځ يې دوام وکړ.
