زابل؛ مرکز قلات ښار کې د ۴۰ ورزش کارانو ترمنځ د قوت الرمي ټاکنیزې سیالۍ ترسره شوې
د زابل ولایت د بدني روزنې او ورزش آمریت اړوند د قوت الرمي فدراسیون د استازولي له لوري د یاد ولایت مرکز قلات ښار کې د ۴۰ ورزش کارانو ترمنځ د قوت الرمي ټاکنیزې سیالۍ ترسره شوې.
دغه سیالۍ د نویو ځوانانو، ځوانانو او مشرانو ورزش کارانو په عمري کټګوریو کې ترسره شوې، چې په پای کې له هرې عمري کټګوري څخه درې- درې ورزش کاران د یاد ولایت د قوت الرمي ټاکنیزې لوبډلې ته وټاکل شول.
دا سیالۍ د زابل د قوت الرمي ټاکنیزې لوبډلې ته د غوره لوبغاړو د ټاکلو په موخه ترسره شوې، چې یوه ورځ یې دوام وکړ او په پای کې ګټونکو ورزش کارانو ته مډالونه او ستاینلیکونه ورکړل شول.
