زابل؛ مرکز قلات ښار کې د ۴۰ ورزشکارانو ترمنځ د نیو فول کنټاکټ لومړی پړاو سیالۍ ترسره شوې
د زابل ولایت د بدني روزنې او ورزش آمریت اړوند د نیو فول کنټاکټ فدراسیون د استازولي له لوري د یاد ولایت مرکز قلات ښار کې د ۴۰ ورزشکارانو ترمنځ دغې رشتې لومړی پړاو سیالۍ ترسره شوې.
په دغو سیالیو کې له کابل، غزني، کندهار، ارزګان او دایکندي ولایتونو څخه د نویو ځوانانو، ځوانانو او مشرانو په عمري کټګوریو کې ورزشکارانو ګډون کړی و، چې په پایله کې یې زابل لومړی، غزني دویم او کندهار بیا درېیم مقام ترلاسه کړ.
دا سیالۍ د ځوانانو لپاره د سالمې تفرېح د برابرولو په موخه ترسره شوې، چې دوې ورځې یې دوام وکړ.
