زابل؛ مرکز قلات ښار کې د ۳۵ ورزشکارانو ترمنځ د لاس چپه کولو سيالۍ ترسره شوې
د زابل ولايت د بدني روزنې او سپورټ آمريت اړوند د ملي او دوديزو لوبو مديريت له لوري د دې ولايت په قلات ښار کې د استاد طوفان او استاد ايمل کلبونو د ۳۵ ورزشکارانو ترمنځ د لاسه چپه کولو سيالۍ ترسره شوې.
دغه سيالۍ، چې يو ورځ يې دوام وکړ، په پايله کې د استاد ايمل کلب ورزشکارانو لومړی مقام ترلاسه کړ.
د يادو سياليو موخه ملي او دوديزو لوبو وده ورکول ښودل شوي وو او په پای کې د ورزش آمريت له لوري غوره ورزشکارانو ته ستاينليکونه او مډالونه ورکړل شول.
