زابل؛ مرکز قلات ښار کې د ٣٦ ورزشکارانو ترمنځ د سامبو کورش سیالۍ ترسره شوې
د زابل ولایت د بدني روزنې او ورزش آمریت اړوند د کورش فدراسیون د استازولي له لوري د ياد ولايت مرکز قلات ښار کې د درېوو کلبونو د ٣٦ ورزشکارانو ترمنځ د سامبو کورش سیالۍ ترسره شوې.
په دغو سیالیو کې د همراز، عمران او احمدالله کلبونو ورزشکارانو ګډون کړی و، چې په پايله کې د احمدالله کلب ورزشکارانو لومړی مقام خپل کړ.
دا سیالۍ سامبو کورش لوبې ته د ودې ورکولو په موخه ترسره شوې او په پای کې غوره ورزشکارانو ته مډالونه او بريليکونه ورکړل شول.
