زابل؛ مرکز قلات ښار کې د شپږو لوبډلو ترمنځ د والیبال سیالۍ پای ته ورسېدې
د زابل ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت مرکز قلات ښار کې د شپږو لوبډلو ترمنځ د دوستي جام په نوم د والیبال سیالۍ د پوهنتون الف لوبډلې په اتلولي پای ته ورسېدې.
په دغو سیالیو کې هریرود، طوفان هریرود، لب دریا سحرانې ،پوهنتون الف او پوهنتون ب لوبډلو ګډون کړی و، چې په پایلوبه کې یې د پوهنتون الف لوبډلې د ۳ پر صفر میدانونو په توپیر خپلې سیالې هریرود لوبډلې ته ماتې ورکړه او اتلولي یې په خپل نوم کړه.
دا سیالۍ د ځوانانو ترمنځ د یووالي په موخه پیل شوې وې، چې یوه اوونۍ یې دوام وکړ او په پای کې ورزشکارانو ته مډالونه او ستاینلیکونه ورکړل شول.
