زابل؛ مرکز قلات ښار کې د اتو لوبډلو ترمنځ د توپ ډنډې سیالۍ پای ته ورسېدې
د زابل ولایت د بدني روزنې او ورزش امریت اړوند د ملي او دودیزو لوبو د مدیریت له لوري د یاد ولایت په مرکز قلات ښار کې د اتو لوبډلو ترمنځ د توپ ډنډې سیالۍ د باباګک لوبډلې په اتلولي پای ته ورسېدې.
د دغو سیالیو پایلوبه د باباګک او ځوزګري لوبډلو ترمنځ ترسره شوه، چې په پایله کې یې باباګک لوبډلې خپلې سیالې لوبډلې ته ماتې ورکړه او اتلولي یې وګټله.
دا سیالۍ په زابل ولایت کې ملي او دودیزو لوبو ته د ودې په موخه ترسره شوې، چې درې اوونۍ یې دوام وکړ.
