زابل؛ قلات ښار کې د ۳۰ ورزشکارانو ترمنځ د قهرمانان متحد سبک سيالۍ وشوې
د زابل ولايت د بدني روزنې او ورزش آمريت اړوند د زرمي لوبو فدراسيون د استازولۍ له لوري د ياد ولايت په مرکز قلات ښار کې له دوو کلبونو د ۳۰ ورزشکارانو ترمنځ د رزمي لوبو "قهرمانان متحد" سبک سيالۍ وشوې.
دا سيالۍ د عبدالحليم او غزنوي کلبونو ورزشکارانو ترمنځ ترسره شوې، چې په پايله کې د غزنوي کلب په بريا پای ته ورسېدې.
د يادو سياليو موخه د ښاريانو لپاره د سالمې تفريح برابرول وو، چې دوې ورځې يې دوام وکړ او په پای کې د ياد ولايت د ورزش آمريت له لوري غوره ورزشکارانو ته مډالونه ورکړل شول.
