زابل؛ شینکۍ ولسوالۍ کې د ۱۴۰ ورزشکارانو ترمنځ د سیمهییزې غېږ نیونې سیالۍ ترسره شوې
د زابل ولایت د بدني روزنې او ورزش آمریت اړوند د کورش فدراسیون د استازولۍ له لوري د یاد ولایت په شینکۍ ولسوالۍ کې د ۱۴۰ ورزشکارانو ترمنځ د سیمهییزې غېږ نیونې سیالۍ ترسره شوې.
دغه سیالۍ د لوړې شینکۍ او ښکته شینکۍ لوبډلو ترمنځ ترسره شوې، چې په پایله کې یې د لوړې شینکۍ ورزشکارانو د زیاتو نمرو په ترلاسه کولو سره لومړی مقام ترلاسه کړ.
دا سیالۍ د غېږ نیونې ورزش ته د ودې ورکولو په موخه ترسره شوې، چې دوې ورځې یې دوام وکړ.
