زابل؛ شهر صفاء ولسوالۍ کې د ۱۰۰ پهلوانانو ترمنځ د سيمه ييزې غېږ نيونې سيالۍ تر سره شوې
د زابل ولايت د بدني روزنې او سپورټ آمريت اړوند د ملي او دوديزو لوبو مديريت او د يونسيف مؤسسې په همکارۍ د دې ولايت په شهر صفاء ولسوالۍ کې د ولسواليو په کچه د ۱۰۰ پهلوانانو ترمنځ د سيمه ييزې غېږ نيونې سيالۍ تر سره شوې.
په دغو سياليو کې د کندهار دامان، مانيشن، د زابل شهر صفاء او ميزانه ولسواليو پهلوانانو گډون کړی وو.
دغه سيالۍ، چې يوه ورځ يې دوام وکړ، په پايله کې د شهر صفاء ولسوالۍ پهلوانانو په بريا پای ته ورسېدې.
د يادو سياليو موخه، ملي او دوديزو لوبو ته وده ورکول ښودل شوي وو او په پای کې د ورزش آمريت له لوري غوره پهلوانانو ته ستاينليکونه ورکړل شول.
