زابل؛ شاجوی ولسوالۍ کې د ۵۰ ورزشکارانو ترمنځ د کيک بوکسينگ سيالۍ وشوې
د زابل ولايت د بدني روزنې او ورزش امريت اړوند د کيک بوکسينگ فدراسيون د استازولۍ له لوري د ياد ولايت په شاجوی ولسوالۍ کې د پنځو کلبونو د ۵۰ ورزشکارانو ترمنځ د کيک بوکسينگ سيالۍ وشوې.
په يادو سياليو کې له پيروزي، روفي، يارمل، توخي او همراز کلبونو څخه ورزشکارانو د نويو ځوانانو، ځوانانو او لويانو په عمري کټگوريو کې گډون کړی وو، چې په پايله کې پيروزي کلب لومړی، روفي کلب دويم او همراز کلب بيا درېيم مقام ترلاسه کړ.
د يادولو وړ ده، چې د دغو سياليو موخه د کيک بوکسينگ ورزش ته وده ورکول او د ځوانانو ترمنځ يووالی وو، چې دوې ورځې يې دوام وکړ.
