زابل؛ شاجوی ولسوالۍ کې د ۳۸ ورزشکارانو ترمنځ د رزمي لوبو د توان سبک سيالۍ پای ته ورسېدې
د زابل ولایت د بدني روزنې او ورزش امريت اړوند د رزمي لوبو فدراسيون د استازولۍ له لوري د ياد ولايت په شاجوی ولسوالۍ کې د ۳۸ ورزشکارانو ترمنځ د يوې سالمې تفريح برابرولو په موخه د نويو ځوانانو، ځوانانو او لويانو په عمري کټگوريو کې د توان سبک سيالۍ پای ته ورسېدې.
دغه سيالۍ، چې د استاد سميع الله او استاد روزي محمد کلبونو ورزشکارانو ترمنځ چمتو شوې وې، په پايله کې د استاد سميع الله کلب ورزشکارانو په بريا پای ته ورسېدې.
د يادولو وړ ده، چې يادو سياليو دوې ورځې دوام وکړ.
