زابل؛ شاجوی ولسوالۍ کې د ۳۵ ورزشکارانو ترمنځ د لاس چپه کولو سیالۍ ترسره شوې
د زابل ولایت د بدني روزنې او ورزش امريت اړوند د ملي او دوديزو لوبو مدیریت له لوري د یاد ولايت په شاه جوی ولسوالۍ کې له دوو کلبونو د ۳۵ ورزشکارانو ترمنځ د لاس چپه کولو سيالۍ ترسره شوې.
دا سیالۍ د ځوانانو ورزشکارانو په عمري کټګوري کې ترسره شوې، چې په پایله کې یې د استاد عبیدالله کلب ورزشکارانو لومړی مقام خپل کړ.
یادې سیالۍ ملي او دودیزو لوبو ته د ودې ورکولو په موخه ترسره شوې، چې یوه ورځ یې دوام وکړ.
