زابل؛ شاجوی ولسوالۍ کې د کیک جستو سیالۍ ترسره شوې
د زابل ولایت په مرکز شاجوی ولسوالۍ کې د فیروزي او استاد محب الله کلپونو د ۲۴ ورزش کارانو ترمنځ د کیک جستو سیالۍ ترسره شوې.
یادې سیالۍ د ځوانانو او زلمیانو په کټګوري کې د ولایتي لوبو لپاره د غوره لوبغاړو د ټاکلو په موخه ترسره شوې، چې یوه ورځ یې دوام وکړ.
د سیالیو په پایله کې د ولایتي لوبو لپاره د ځوانانو له ډلې څخه پنځه او د زلمیانو له ډلې څخه درې تنه ورزش کاران وټاکل شول.
دا سیالۍ په داسې حال کې ترسره شوې، چې ټاکل شوې څو ورځې وروسته به په بلخ ولایت کې د کیک جستو ولایتي سیالۍ پیل شي.
