زابل؛ شاجوی ولسوالۍ کې د څلورو لوبډلو ترمنځ د نېزه وهنې سيالۍ وشوې
د زابل ولايت د بدني روزنې او ورزش آمريت اړوند د وزلوبې، نېزه وهنې او سيمه ييزو لوبو ملي فدراسيون د استازولۍ له لوري د ياد ولايت په شاجوی ولسوالۍ کې له څلورو لوبډلو د ۲۴ نېزه وهونکو ترمنځ د نېزه وهنې سيالۍ وشوې.
په دغو سياليو کې له قرباغ، شاجوی، مقر او ناوې ولسواليو لوبډلو څخه نېزه وهونکو گډون کړی وو، چې په پايله کې شاجوی ولسوالۍ د زياتو امتيازوتو په ترلاسه کولو سره لومړی، مقر دويم او قرباغ درېيم مقام خپل کړ.
د يادو سياليو موخه د نېزه وهونکو ترمنځ يووالی رامنځته کول وو، چې يوه ورځ يې دوام وکړ.
