رقیب الله فاروقي بېرته هېواد ته راستون شو
د فري سټایل لوبو لوبغاړی رقیب الله فاروقي په هېواد کې د بدلون له راتګ وروسته له هېواده بهر تللی و او د ورزش ادارې په هڅو بېرته هېواد ته راستون شو.
د المپیک ملي کمېټې او ورزش رییس انجینر نظرمحمد مطمئن ښاغلي فاروقي ته ښه راغلاست ووایه او خوښي یې وښوده، چې نوموړی بېرته هېواد ته راستون شو.
ښاغلي مطمئن همدارنګه نورو بهر مېشتو افغان لوبغاړو څخه وغوښتل، چې هېواد ته راستانه شي او هېواد ته د ویاړونو په راوړلو کې برخه واخلي.
ښاغلي فاروقي د پاورلېفټینګ، د بدن ښکلا، رزمي لوبو، کبدي او غره ختنې په برخه کې اته کاله لوبې کړې دي. همدارنګه ښاغلي فاروقي په هېواد کې د ورزش سټایل بنسټ ایښودونکی دی او د دې تر څنګ په منفي ۲۲ درجو هوا کې یو نړۍوال ریکارډ هم لري.
د یادونې وړ ده، چې ښاغلی رقیب الله فاروقي د بکلوریا تر کچې زدهکړې کړې دي.
