د کندهار د ورزش او بدني روزني ریاست ریس مولوي ابرار احمد لبیب د کانګفتوا فدراسیون ورزشکاران وستایل ۔
د کندهار د ورزش او بدني روزني ریاست ریس مولوي ابرار احمد لبیب د کانګفتوا فدراسیون هغه ورزشکاران چي تیره هفته یي د هلمند په ولایتي سیالیو کي لومړي مقامونه ګټلي وه وستایل ۔
یاد پروګرام د کندهار په ماهر کیک بوکسینګ کلب کي جوړ سوي وو چي پکښي د یاد کیک بوکسینګ کلب مسؤل میریویس فرقانیار د کانګفتوا فدراسیون مسؤل استاد شیرزاد نوري او د کندهار د ورزش او بدني روزني ریاست ریس مولوي ابرار احمد لبیب او ګڼ شمیر ورزشکارانو ګډوند درلود ۔
د کندهار د ورزش ریاست ریس لومړي د کانګفتوا فدراسیون د مسؤل څخه مننه وکړل چي په خپل ټول زیار سره يي یاد ورزشکاران روزلي دي او د کامیابي تر پوړي یي رسولي دي ۔
په دوهم قدم کي يي د ټولو ورزشکارانو څخه مننه وکړل او د هرډول همکاري ډاډ يي ورکړ او زیاته یي کړه چي کوښښ وکړي د هیواد په سطحه قهرمانان سي او په ستاینلیکو او مختلیفو جایزو سره تقدیر کړل ۔
