د کندز په امام صاحب ولسوالۍ کې د وزلوبې دوه ورځنۍ سیالۍ ترسره شوې
د کندز ولايت امام صاحب ولسوالۍ په باسوس ريګ سيمه کې د وزلوبې دوه ورځنۍ سيالۍ ترسره شوې.
دغه سيالۍ چې د یاد ولایت بدني روزنې او ورزش امريت د وزلوبې فدراسيون او ځايي ورزشي مسؤولینو په ګډه همغږۍ د دوه ورځو لپاره ترسره شوې، د مرکز سربېره پکې ۶۰تو چاپندازانو ګډون درلود.
په یادو سیالیو کې د ځایي چارواکو او ورزشي مسؤولینو ترڅنګ، د وزلوبې سلګونو نندارچيانو او مینوالو هم ګډون کړی و.
د تېرې ورځې سیالۍ ګټونکی ذبيح الله پهلوان و، چې په مادي ډاليو ونازول شو.
