د کندز په ارچي ولسوالۍ کې دفوټبال سيالي ترسره شوې
دغه سیالۍ د کندز ولایت د فوټبال فدراسیون مسئولینو په هلو ځلو د ورزش ریاست تر چتر لاندې د دغه ولایت په دشت ارچي ولسوالۍ کې د خواجه غار عقابانو، ارچي استقلال ټیمونو ترمنځ په درېیو کټګوریو کې تر سره شوې.
په دغو ګټګوریو کې تنکي ځوانان، ځوانان او لویان شامل وو چې د کندز بدني روزنې او ورزش سرپرست محمدقیوم رحیمي، فوټبال فدراسیون رئیس رشید صمدي او فوټبال فدراسیون فني او مسلکي مسئول خیرمحمد خیر اندیش او ورزشکارانو یې لیدنه کوله.
د غه سیالۍ چې د ارچې په مرکزي لوبغالي کې ترسره شوې د تنکیو ځوانانو په برخه کې خواجه غار۳ـ۰ ارچې لوبډلي ته ماتي ورکړه او د ځوانانو په برخه کې ۱ـ۱ او د لویانو په برخه کې ۳ـ۲ د ارچې استقال لوبډلې بریا خپله کړه.
په پای کې د فوټبال فدراسیون له لوري ورزشکارانو ته جایزې هم ورکړل شوې.
