د کرېکټ ملي لوبډلې په لومړۍ شل اوریزه لوبه کې ویسټ انډیز ته ماته ورکړه
د افغانستان کرېکټ ملي لوبډلې له ویسټ انډیز سره د (اي انډ) درې شل اوریزو نړۍوالو سیالیو د لوبلړۍ په لومړۍ لوبه کې دغه هېواد ته د ٣٨ منډو په توپیر ماته ورکړه.
په دغه لوبه کې درویش رسولي پر ٥٩ توپونو د دوه شپږیزو او اته څلوریزو پر مټ ٨٤ منډې جوړې کړې او په ډګر ساتنه کې یې درې مهم کېچونه ترلاسه کړل، چې پر اساس یې د لوبې غوره لوبغاړی شو.
افغانستان به خپله دویمه لوبه سبا (چهارشنبه، د جنوري ٢١مه) له دغې لوبډلې سره تر سره کړي.
یادې سیالۍ د افغانستان په کوربه توب د دوبۍ نړۍوال کرېکټ لوبغالي کې نن ( د جنوري ١٩مه) پیل شوې او تر ٢٢مې نېټې به دوام وکړي.
