د کابل ظاهر اسد لوبډلې د افغانستان زونونو فوټسال اتلانو سياليو اتلولي وګټله
د افغانستان زونونو فوټسال اتلانو سياليو پايلوبه د ديار سنايي غزنه او ظاهر اسد لوبډلو ترمنځ وشوه، چې ظاهر اسد د ۳ - ۴ ګولونو په توپير خپلې سيالې لوبډلې ته ماته ورکړه او اتلولي يې په خپل نوم کړه.
د دغو سياليو په پايلوبه کې د هېواد د ورزش ادارې او فوټبال فدراسيون فني او مسلکي مرستيال حافظ احمد جان ځدران، دالمپيک، بدني روزنې او ورزش عمومي رياست ورزشي مشاور قاري حيات الله رحماني، د المپيک چارو رييس داد محمد پاينده اختري، د فوټبال ملي فدراسيون رييس محمد يوسف کارګر، د فوټسال کمېټې مسوولينو او له استراليا څخه د مهاجرينو فوټبال منتخبې لوبډلې ګډون کړی وو.
دغه سيالۍ د روان کال د وري مياشتې پر ۳۱مه د اته لوبډلو په ګډون پيل شوې وې، چې په پايله کې يې لومړي او دويم مقام ګټونکو لوبډلو د افغانستان فوټسال غوره ليګ سياليو ته لار ومونده.
