د چارو ادارې د فوټسال سياليو په دوام نننۍ لوبه د اداري فساد پر وړاندې د مبارزې رياست لوبډلې وګټله
د بدني روزنې او ورزش عمومي رياست اړوند په ۵۰۰ کسيز جمنازيوم کې د افغان بيسيم مخابراتي شبکې په مالي ملاتړ دچارو ادارې له لوري د فوټسال رمضام جام سياليو په دوام، نننۍ لوبه د اداري فساد پر وړاندې د مبارزې رياست لوبډلې وګټله.
دغه سيالۍ چې له څو ورځو راپدېخوا پيل شوې دي، په نننۍ لوبه کې د اداري فساد پر وړاندې د مبارزې رياست لوبډلې خپلې سيالې د فرهنګي چارو رياست لوبډلې ته د ۵/۴ ګولونو په توپير ماتې ورکړه او بريا يې خپله کړه.
هېره دې نه وي چې د دغو سياليو موخه د چارو ادارې د کارمندانو ترمنځ د همغږي رامنځته کول او همدارنګه فوټسال ورزش ته وده ورکول دي.
