د پکتیا د هاکي رمضان جام سیالیو اتلولي پکتیا اتلانو لوبډلې په خپل نوم کړه
د پکتیا ولایت د بدني روزنې او ورزش رياست او هاکي فدراسیون له لوري د پکتیا پوهنتون په ورزشي جمنازیوم کې د څلورو لوبډلو ترمنځ د هاکي سیالیو اتلولي پکتیا اتلانو خپله کړه.
د دغو سیالیو پایلوبې ته پکتیا اتلانو او پکتیا ځوانانو لوبډلو لار موندلې وه، چې په پایله کې پکتیا اتلانو خپلې سیالې لوبډلې ته د ۲-۱ ګولونو په توپیر ماتې ورکړه او اتلولي یې خپله کړه.
د یادو سیالیو د پای په مراسمو کې د پکتیا ولایت ورزشي مسولینو، ورزشکارانو او د ورزش ګڼو مینوالو ګډون کړی و.
هېره دې نه وي، چې یادې سیالۍ د روژې میاشتې په لومړيو کې پیل شوې وې او موخه یې هېواد والو ته د یووالي او پخلاینې فکر ورکول وو.
په پای کې اتلې لوبډلې او غوره ورزشکارانو ته ډالۍ ورکړل شوې.
