د وزن پورته کولو نړیوال فدراسیون ټاکنې

چهارشنبه ، مرغومی ١مه ، ١٤٠٠

سمیر هیبت

د وزن پورته کولو نړیوال فدراسیون ټاکنې به د جون په ۲۴ او ۲۵ ترسره شي.

د وزن پورته کولو نړیوال فدراسیون د ټاکنو وروستۍ نېټه اعلان کړه.

د نړۍ د وزن پورته کولو فدراسیون عمومي کانګریس د دغه فدراسیون د ټاکنو د مهال ویش د معلومولو په موخه رابلل شوی و او په پای کې د ټاکنو وروستۍ نیټه اعلان شوه.

۶۹ هېوادونو په حضوری توګه او ۳۲ هېوادونو په انلاین ډول ګډون کړی و.

د نړۍ د وزن پورته کولو فدراسیون د مسوولينو په وینا، ټاکنې به د جون په 24 او 25، 2022 (د چنګاښ 4-5، 1401) ترسره شي.

د نړیوال فدراسیون فوق العاده کانګرس به د جنوري په 30 ( 10 سلواغه ) ترسره شي.

د کانګرس اجنډا به د ټاکنو پروسې ګړندۍ کول او د نړیوال فدراسیون په قانون کې تعدیلات راوستل وي.

د کاندیدانو لپاره د نوم لیکنې غوښتنه د مارچ 2 (د کب 11) ده او د کاندیدانو د وړتیا بیاکتنې وروستۍ نیټه د اپریل 30 (د غویی 10) ده.