د ورزش ادارې عمومي رئیس مولوي احمد الله وثیق هلمند کې د تکواندو له روانو سياليو څخه ليدنه وکړه
د المپیک، بدني روزنې او وررش عمومي رئیس مولوي احمد الله وثیق او ورسره مله پلاوي د خپل سفر په دوام په هلمند ولایت کې له پنځو کلبونو څخه د ۸۰ ورزشکارانو ترمنځ د تکواندو له پيل شوو ټاکنيزو سياليو څخه ليدنه وکړه.
په دغو مراسمو کې د المپیک، بدني روزنې او ورزش عمومي رئیس مولوي احمد الله وثیق، د ږرزش ادارې فني او مسلکي مرستیال حافظ احمد جان ځدراڼ، د فوټبال ملي فدراسيون محمد يوسف کارګر، د المپیکي چارو رئیس داد محمد پاینده اختري، د هلمند ورزشي امريت مسوولينو، ورزشکارانو او مينوالو ګډون کړی وو.
په يادو مراسمو کې د المپیک، بدني روزنې او ورزش عمومي رئیس مولوي احمد الله وثیق د خوښې ترڅنګ د ورزشکارانو غوښتنو ته د رسيدګۍ او هر ډول د همکارۍ ډاډ ورکړ.
دغه سيالۍ، چې دوې ورځې به دوام وکړي، په پايله کې به ۱۰ تنه د هلمند ولايت د تکواندو منتخبې لوبډلې ته وټاکل شي.
