د هیواد ویلچر باسکېټبال ملي لوبډلې د پارالمپیک آسیا جام مقدماتي سیالیو په لړ کې هانکانګ ته ماتې ورکړه
د افغانستان د ویلچر باسکېټبال ملي لوبډلې د پارالمپیک آسیا جام د مقدماتي سیالیو په لړ کې د هانګانګ هېواد ملي لوبډلې ته د ۷۷-۳۳ ګولونو په توپیر ماتې ورکړه، په دې سیالي کې د افغان لوبډلې له خوا ارسلان تر ټولو ډېر ګولونه وکړل.
د پارالمپک آسیا جام مقدماتي سیالۍ دا مهال د ټایلنډ هېواد په کوربتوب د نهو اسیایي هیوادونو ترمنځ روانې دي.
افغان لوبډلې په خپله لومړۍ لوبه کې وړمه ورځ د کویټ هیواد ملي لوبډلې ته په یو ستر توپیر ماتې ورکړې وه او سبا به د فيلیپینۍ لوبډلې پر وړاندې د لوبې ډګر ته ووځي.
