د هیواد د بدني روزنې او ورزش عمومي رياست يوه پلاوي کونړ ولايت ته سفر وکړ
دغه پلاوي په کونړ ولايت کې د بدني روزنې او ورزش آمريت د غصب شوې ځمکې د ارزونې او همدا راز د کونړ د کرکټ بورډ له ادارې سره د ځمکې د ستونزې د حل او د دوسیې د بشپړېدو په موخه یاد ولایت ته سفر وکړ.
د تیر نظام پر مهال د کونړ ولايت د بدني روزنې او ورزش آمريت اړوند ځمکه د یو شمېر چارواکو او زورواکو له خوا غصب او همدا راز پر یوې برخې یې د کرکټ لوبغالی جوړ شوی و، په پایله د اسنادو له مخې ثابته شوه، چې د یاد لوبغالي ځمکه د کونړ په ورزشي آمريت پورې اړه لري او دوسیه یې په مرحله وار ډول سره بشپړه شوه.
یاد پلاوی په همدې موخه کونړ ولایت ته رسیدلی، ترڅو دغه دوسیه وروستۍ او ستونزه د تل لپاره حل کړي.
د ذکر شوي پلاوي په ترکیپ کې، چې کونړ ولایت ته یې سفر کړی، د هيواد د بدني روزنې او ورزش د عمومي رياست ورزشي سلاکار حیات الله رحماني ،حقوقي سلاکار انجنیر سيد رسول افغاني او د پلان او پالیسۍ ریاست انجنیر ګډون لري.
