د هيواد فوټسال ملي لوبډلې د اسيا هيوادونو فوټسال جام سياليو په لومړۍ لوبه کې له ايران هيواد ماتې وخوړه
د افغانستان د فوټسال ملي لوبډلې د اسيا هيوادونو د فوټسال جام سياليو په لړ کې، په خپله لومړنۍ سيالۍ کې له ايران هيواد څخه د ۳_۱ ګولونو په توپير ماتې وخوړه.
د اسيا هيوادونو د فوټسال جام سيالۍ د تايلنډ هيواد په کوربتوب په څلورو ګروپونو کې د ۱۶ لوبډلو ترمنځ ترسره کېږي او افغانستان په ډي ګروپ کې له ايران، بحرين او کويټ هيوادنو سره سيالۍ ترسره کوي.
د يادونې وړ ده چې افغان لوبډله خپله دويمه لوبه د ثور مياشتې پر لومړۍ نېټه له کويټ سره ترسره کوي.
