د هلمند ولایت د والیبال فدراسیون د والیبال یوه ورځنۍ سیالۍ ترسره کړه
په یادو سیالیو کې څلور لوبډلو ګډون کړی وو چې عظیمي والیبال لوبډلې په کې لومړی مقام ترلاسه کړ.
دغه سیالۍ د غازي محمدایوب خان مېني ورزشی جمنازیوم کې د یوې ورځې لپاره تر سره شوې چې په پای کې لوبډلو او لوبغاړو ته جایزې هم ورکړي شوې.
دغه راز د دغه ولایت د کیک بوکس فدراسیون ۱۱ تنه ورزشکارانو ته تور کمبربندونه هم وتړل شول.
ورزشکارانو ته د تور کمربند ورکولو پروګرام په مرکز کابل کې د کیک بوکس فدراسیون مشر عبدالرقیب هوتک له لورې ترتیب شوی و چې د هلمند ۱۱ تنو ورزشکارانو ته یې د روزونکو سندونه ورکړل.
د کیک بکس فدراسیون هیله ښودلې چې په راتلونکې کې به هېواد او د هلمند ځوانانو ته د ورزش په ډګر کې د خدمت جوګه شي.
