د هلمند ورزشي امریت د تکواندو فدراسیون مشر ستاینه وکړه
د هلمند ولایت ورزشي امریت د تکواندو فدراسیون مشر استاد فرید احمد مبارز له لاسته راوړنو ستاینه وکړه او نوموړی یې تقدیر کړ.
په همدې مناسبت جوړ شویو مراسمو کې د هلمند ورزشي مسؤولینو، د فدراسیونونو مشرانو، رزونکو او ورزشکارانو ګډون درلود.
فرید احمد مبارز د کوریا درې سندونه او همداراز د افغانستان تکواندو ملي لوبډلې څلور سندونه لري.
د دې پروګرام په پیل کې د تکواندو او جمناسټیک فدراسیونو ورزشکارانو جالب نمایشونه ترسره کړل چې په پای کې د ورزش ادارې مسؤلینو، فدراسیونو رئیسانو، روزونکو او ورزشکارانو د ګلانو او ډالیو سره فرید احمد ته د دې ویاړ مبارکي وویله.
