د هرات مرکز کې د ۸۰ ورزشکارانو ترمنځ د تکواندو دبيلو تي اف ټاکنيزې سيالۍ وشوې
د هرات ولايت د بدني روزنې او ورزش رياست اړوند د تکواندو ملي فدراسیون د استازولۍ له لوري د ياد ولايت په مرکز ښار کې د ۸۰ ورزشکارانو ترمنځ د تکواندو دبيلو تي اف دوويشتم پړاو ټاکنيزې سيالۍ وشوې.
دغه سيالۍ په کيورګي او پومسه سبکونو ترسره شوې، چې په پايله ۳۲ ورزشکاران د ياد ولايت د تکواندو منتخبې لوبډلې ته وټاکل شول.
د يادو سياليو موخه د هرات ولايت منتخبې لوبډلې ته د غوره ورزشکارانو ټاکل او ورزش ته د ځوانانو هڅول و، چې يوه ورځ يې دوام وکړ.
