د هاکي ملي فدراسیون اړوند د بېس بال ورزش ۲۱ کسیزه لوبډله ایران ته روانه شوه
د افغانستان د هاکي ملي فدراسیون اړوند د بېس بال ورزش ۲۱ کسیزه لوبډله، د لویدیځې اسیا بېس بال کپ سیالیو کې د ګډون په موخه نن(یکشنبه) ایران ته روانه شوه.
یادې لوبډلې ته د مخه ښې په مراسمو کې د هېواد ورزش ادارې، فني او مسلکي مرستیال حافظ احمد جان ځدراڼ د ښې استازولۍ سپارښتنه وکړه او په دغو سیالیو کې یې د ښه ځلېدو او تجربو حاصلولو هیله وکړه.
دغه سیالۍ د ایران په کوربهتوب، د تهران په کرج ښار کې د اووه هېوادونو په ګډون د روانې میلادي میاشتې پر ۱۵مه پیلېږي او تر ۲۱مې به دوام وکړي.
