د ننګرهار په کوټ ولسوالۍ کې د دوولسو لوبډلو ترمنځ د ټېپ بال کرکټ سیالۍ پیل شوې
د ننګرهار ولایت په کوټ ولسوالۍ کې د بدني روزنې او ورزش ریاست په هغمږۍ، د نشه یي توکو په وړاندې د مبارزې او د ځوانانو د سالمې تفریح په موخه د دوولسو لوبډلو ترمنځ د ټيپ بال کرکټ سیالۍ پیل شوې.
د یادو سیالیو لومړۍ لوبه د سدیس سوپر کینګ او حیدرخیلو ځوانانو لوبډلو ترمنځ ترسره شوه، سدیس لوبډلې په نهو اورونو کې د څلورو لوبغاړو په سوځېدو سره ۱۳۱ منډې هدف کېښوود، حیدرخېلو لوبډلو د ټولو لوبغاړو په سوځېدلو سره ۱۱۵ منډې جوړې او لوبه یې سدیس لوبډلې ته وبایلله.
د سیالیو دویمه لوبه به نن ورځ د عثمان ایګل او سلیم توپان لوبډلو ترمنځ ترسره شي، ټولې سیالۍ به ۱۵ ورځې دوام ولري.
