د لامبو وهلو فدراسیون مشر د همکارۍ ژمنه وکړه
د لامبو وهلو فدراسیون مشر د همکارۍ ژمنه وکړه
د بدني روزنې او ورزش پخوانی مالي او اداري مرستیال چې د لامبو وهلو فدراسیون مشرۍ يې هم پر غاړه درلوده، د همکارۍ ژمنه وکړه.
قاسم علي حميدي چې د ا.ا.ا له واکمنۍ سره له هېواده وتلی و، المپیک ملي کمېټې او ورزش ریاست نویو مسؤلینو په همکارۍ بېرته هېواد ته راغلی او د همکارۍ ژمنه يې وکړه.
نوموړي د المپیک ملي کمېټې او ورزش سرپرست رییس انجینر نظر محمد مطمئن سره په لیدنه کې د ورزشي فعالیتونو له پراخېدو مننه وکړه او د یاد فدراسیون د مشرۍ لپاره يې د بیا فعالیت ژمنه وکړه.
ښاغلي حميدي د ا.ا.ا له واکمنۍ خوښي وښوده او په خبره يې درې میاشتي ورزشي فعالیت دا وښوده چې ا.ا د ورزشکارانو پوره ملاتړی دی او هغه تبلیغات چې بهر کې کېږي ناسم دي.
تر دې وړاندې د فوټبال فدراسیون مشر یوسف کارګر او د کورش فدراسیون مشر ضیاء دشتي هم هغه کسان و، چې د ښاغلي په هڅو بېرته هېواد ته راغلل او خپل ورزشي فعالیتونه يې پیل کړل.
