د فوټبال تر ۲۰ کلونو کم عمره ملي لوبډلې اردن ته سیالي بایلوده
د فوټبال تر ۲۰ کلونو کم عمره ملي لوبډلې د ۲۰۲۷ اسیا جام ته د لارموندنې سیالۍ کې خپله لومړۍ لوبه اردن ته د ۱ – صفر ګول په توپیر بایلوده.
افغان ملي لوبډله به خپله دویمه لوبه راتلونکې پنجشنبه( د وږي ۱۲مه) له تاجکستان سره وکړي.
افغانستان د دغو سیالیو په D ګروپ کې له اردن، تاجکستان او بحرین سره سیالۍ لري.
یادې سیالۍ د ۴۴ هېوادونو په ګډون د بحرین په کوربهتوب نن(دوشنبه، د اګسټ ۳۱مه) پیل شوي او د سپټیمبر تر ۶مې نېټې به دوام وکړي.
