د غور ولایت لوړو زده کړو مؤسسې انګلیسي ډيپارټمنټ د محصلینو جام فوټسال سیالیو اتلولي وګتله
د غور ولایت د لوړو زده کړو مؤسسې د محصلینو جام فوټسال سیالۍ چې یوه اوونۍ وړاندې د دې موسيسې د بېلابېلو ډیپارڼمنټونو د ۱۲لوبډلو ترمنځ د غور د ورزش امریت په همغږۍ، د فوټبال فدراسیون له لوري په هریرود ورزشي جمنازیو کې پیل شوې وې، تېره ورځ د انګلیسي ډيپارټمنټ لوبډلې په اتلولۍ پای ته ورسېدې.
د دغو سیالیو پایلوبه د انګلیسي او کمپیوټرساینس ډپیارټمنټونو لوبډلو ترمنځ وشوه، چې د دې دواړو لوبډلو لوبه د ۷-۲ پایلې سره د انګلیسي ډپیارټمنټ لوبډلې په ګټه پای ورسېده.
د یادو سیالیو موخه ورزش ته د ځوانانو هڅول او د ځوانان ترمنځ د فوټسال ورزش وده ده.
په پای کې عبداظاهر یوسفي د غوره ګول وهونکي، شفیق الله عزیزي د غوره لوبغاړي، فیروز الدین فیروز د غوره ګول ساتونکي جایزې او د ریاضي ډيپارټمنټ لوبډلې د اخلاقو کپ ترلاسه کړ.
همدا راز په اخیر کې په لوبو کې د ګډون کونکو مسوولینو له لوري ګټونکې لوبډلې او غوره ورزشکارانو ته کپونه، مډالونه او جایزې ورکړل شوې.
