د غزني ښار اړوند د والیبال ژمنۍ سیالۍ د پیرزاده سیمې ځوانانو په اتلولۍ پای ته ورسېدې
د غزني ښار اړوند د والیبال ژمنۍ دا سیالۍ میاشت وړاندې د یاد ولایت د بدني روزنې او ورزش امریت په همغږۍ د والیبال فدراسیون له خوا پیل شوې وې.
په دې سیالیو کې اته لوبډلو ګډون درلود چې یوه میاشت یې دوام وکړ.
د یادو سیالیو پایلوبې ته د « پیرزاده سیمې ځوانانو او امید صابري قرباغي» لوبډلو لار ومونده چې په پایلې کې د پیرزاد ځوانانو په اتلولۍ او امید صابري لوبډلې په دویم مقام پای ته ورسېدې.
د دغو سیالیو موخه د ځوانانو یووالی، همغږي او د والیبال ورزش وده وه.
د پای په مراسمو کې ګډونکې لوبډلې ته کپ او غوره لوبغاړو ته ستاینلیکونه او نورې جایزې ورکړل شوې.
