د عامي روغتیا لوبډله د بلخ چهاربولک ولسوالۍ د واليبال سياليو اتله شوه

د واليبال دغه سيالۍ چې تېره شپه د چهاربولک، چمتال او بلخ ولسوالیو د ١٤ لوبډلو ترمنځ د چهار بولک ولسوالۍ د يلمان کلي په ورزشي ميدان کې ترسره شوې د عامي روغتیا لوبډلې په ګټه پاى ته ورسېدې.

دغه سيالۍ ورزش ته د ځوانانو هڅولو او د هغوى ترمنځ د واليبال ورزش د ودې په موخه ترسره شوې.

په پاى کې د عامي روغتیا لوبدلې د زياتو امتيازونو په ترلاسه کولو سره لومړى، د بنګلې لوبډلې دويم او عبدالرحيم زى لوبډلې درېيم مقام ترلاسه کړ.