د سوک وهنې افغان ورزشکارانو د سوک وهنې اتلولۍ اسیایي سیالیو کې د برونزو مډالونه وګټل
د سوک وهنې اتلولۍ اسیایي سیالیو کې د افغانستان د سوک وهنې ملي لوبغاړي فردوس نجیبي په ۸۰ کیلو ګرامه او مجتبی حیدري په ۵۰ کیلو ګرامه وزنونو کې خپلو چیني سیالانو ته ماته ورکړه او د برونزو مډالونه یې وګټل.
په دغو سیالو کې د افغانستان په استازولۍ درې روزونکي او نهه ورزشکاران ګډون لري.
یادې سیالۍ د چین په کوربهتوب په ارومچي ښار کې د ۲۶ هېوادونو په ګډون د روانې میلادي میاشتې پر ۱۵مه پیل او تر ۳۰مې نېټې به دوام وکړي.
