د دولت اباد ولسوالۍ د والیبال سیاليو پای لوبه
یکشنبه ۱۴ لېندۍ ۱۴۰۰
د دولت اباد ولسوالۍ د والیبال سیاليو پای لوبه
د بلخ ولایت په دولت اباد والسوالۍ کې د لوبغاړو د هڅونې په موخه د والیبال سیالۍ ترسره شوې.
دا سیالۍ چې د لوبغاړ د هڅونې په موخه چمتو شوې وې، په دې سیالیو کې د دولت اباد ولسوالۍ څوارلسو ټېمونو ګډون کړی و چې اووه ورځې يې دوام وکړ.
د دې لوبو پای لوبه کې د امنیه قومندانۍ لوبډلې لومړی او د لیندۍ کلي ټيم دوهم مقام خپل کړ.
دغه راز د سیالیو د پای لوبې په مراسمو کې د دولت اباد ولسوالۍ ولسوال مولوي کمال الدین زاهد، د دولت اباد ولسوالۍ امنیه قومندان مولوي روحاني او د بلخ ولایت د بدني روزنې او ورزش مالي او اداري مدیر هم ګډون کړی و.
د پای لوبې د مراسمو په پای کې د بلخ ولایت د بدني روزنې او ورزش ریاست له لوري بریالیو لوبډلو ته مډالونه او ورزشي ستاینلیکونه ورکړل شول.
