د دایکندي ولایت په خدیر ولسوالۍ کې د اتلتیک سیالۍ پای ته ورسېدې
د دایکندي ولایت د بدني روزنې او ورزش امریت په همغږۍ د اتلتیک فدراسیون له لوري د دې ولایت په خدیر ولسوالۍ کې د ۴۰ ورزشکارانو ترمنځ د ځغاستې سیالۍ پای ته ورسېدې.
په دغو سیالیو کې ګډون کوونکو ورزشکارانو د ۴۰۰ مترو په واټن کې سره سیالي وکړه، چې په پایله کې یې نور الله لومړی مقام، محمود دویم او داوود درېیم مقام ترلاسه کړ.
په پای کې د دایکندي ورزش امریت له لوري له لومړي څخه تر درېیم مقام پورې ورزشکارانو ته مډالونه، تقدیرنامې او نورې ډالۍ هم ورکړل شوې.
