د خوست په صبریو ولسوالۍ کې د څلورو لوبډلو ترمنځ دوستانه لوبې ترسره شوې.
دخوست ولایت ورزشي امریت اړوند واليبال فدراسیون په چوکاټ کې د صبریو ولسوالۍ اړوند نورۍ کلي کې د څلورو لوبډلو ترمنځ د والیبال سیالۍ وشوې چې لومړۍ هغه یې د مرکز هارون او علیشېرو ولسوالۍ میاخېل لوبډلو ترمنځ وه، میاخېل لوبډلې دغه لوبه وګټله او دویمه لوبه د نورۍ کلي ابین دیعقوبیو ولسوالۍ او بخت الله باک ولسوالۍ لوبډلو ترمنځ وه ،چې دغه لوبه بیا د بخت الله لوبډلې په ګټه تمامه شوه.
د والیبال دغه دوستانه لوبې چې لیدلو ته یې د سیمې قومي مشران، ځوانان ورزشکاران او په ګڼ تعداد تماشه کوونکي ورغلي وو، د تراویحو له لمانځه وروسته پیل شوې او تر پېشلمي پورې یې دوام وکړ.
دیادوسیالیو برابروونکي وايي موږ به همېشه په ورته ډول مسابقات دلته جوړوو، تر څومو لوبغاړي او دسیمې ځوانان په ورزش کې بوخت ساتلي وي او له غلطو لارو مو راګرځولي وي.
د یادولو وړ ده چې د خوست ولایت په مختلفو ولسوالیو کې په ورته ډول د والیبال مسابقات ترسره کیږي چې د روژې په دې مبارکه میاشت کې له تراویحو وروسته ورزشکاران په ورزش کې بوخت ساتل شوي او هم په دې ولایت کې د پوره امنیت ډاډ څرګندیږي.
