د بغلان مرکز کې د ۳۰ زره امريکايي ډالرو په ارزښت ورزشي جمنازيوم پرانیستل شو
د بغلان ولايت د بدني روزنې او ورزش امريت په همغږۍ د يو ملي سوداګر سيد مدثر له لوري د ياد ولايت د مرکز پلخمري ښار په قند فابريکې ښار ګوټي کې د ۳۰ زره امريکايي ډالرو په ارزښت ورزشي جمنازيوم پرانیستل شو.
دغه ورزشي جمنازيوم د بغلان ورزشي امريت د مسؤلينو، د سيمې مشرانو او اوسيدونکو په شتون کې د ځوانانو د يووالي او ورزش ته د ودې ورکولو په موخه پرانيستل او ګټې اخيستنې ته وسپارل شو.
