د بدخشان په شیوه ولسوالۍ کې د وزلوبې پسرلنی ټورنمنټ پیل شو
د بدخشان ولایت په شیوه ولسوالۍ کې د وزلوبې پسرلنی ټورنمنت د وزلوبې فدراسیون د مسؤولینو په حضور کې پرون پیل شو او تر سبا پورې به دوام وکړي.
دغه سیالۍ دوه پړاوه دي چې لومړی هغه یې درې ورځې وړاندې په ټیمي توګه د الف او ب لوبډلو ترمنځ ترسره شو، دې پړاو ۴۰ دقیقې دوام وکړ چې هېڅ یو پهلوان په امتیاز ګټلو ونه توانېد او لوبه مساوي پای ته ورسېده.
د سیالیو دویم پړاو په عمومي توګه پیل شو، په پای کې د بدخشان د وزلوبې فدراسیون د رئیس پهلوان حاجي زبیر قیومي له لوري دوه میدانونه اعلان شول. په لومړي میدان کې سیدعوض پهلوان شیرپور د حاجي زبیر قیومي په مشکین اس ځان د ارګو ولسوالۍ په ګټه د حلالې تر میدان ورساوه.
په دویم میدان کې د وخت د کمښت او د لوبې د دلچسپۍ په وجه کوم پهلوان د امتیاز په ګټلو ونه توانېد.
د یادونې وړ ده چې دغه سیالۍ به سبا هم دوام ولري او د هېواد د بدني روزنې او سپورت ریاست یو لوړرتبه پلاوی به هم پکې ګډون وکړي.
