د بایسکل ځغلونې ملي لوبډلې ټاکنیزې سیالۍ د څه باندې ۵۰ بایسکل ځغلوونکو په ګډون پیل شوې
د هېواد د بایسکل ځغلونې ملي لوبډلې ټاکنیزې سیالۍ د څه باندې ۵۰ بایسکل ځغلوونکو په ګډون د المپیک ملي کمېټې له انګړ څخه تر خوست ولایت پورې د ۲۳۰ کیلومترو واټڼ په وهلو سره پیل شوې.
په دې سیالیو کې د هېواد له لسو ولایتونو څخه ۵۰ تنو ورزشکاران ګډون کړی، له لوګر او پکتیا ولایتونو څخه به تېر او په خوست ولایت کې به خپل سفر پای ته ورسوي.
د یادونې وړ ده چې دغه سيالۍ به درې ورځې دوام وکړي او په پاى کې به يې ٢٥ تنه د هېواد د بايسکل ځغلونې د ملي لوبډلې غړيتوب ترلاسه کړي.
