د بامیان په شیبر ولسوالۍ کې د والیبال سیالۍ پای ته ورسېدې.
د والیبال دغه سیالۍ چې درې ورځې وړاندې د دې ولسوالۍ د شپږو لوبډلو ترمنځ پیل شوې وې نن یکشنبه د سلواغې په ۱۷ مه د شرق لوبډلې په بریا پای ته ورسېدې.
د يادونې وړ ده، چې په دې سیالیو کې د استقلال لوبډلې دويم او د صداقت لوبډلې درېيم مقام خپل کړ.
د پروګرام په پای کې ګټونکو لوبډلو ته د بامیانو د ورزش امریت له خوا کپونه او مډالونه او د ولسوال او امنیه قوماندان له خوا غوره لوبډلو او ورزشکارانو ته ستاینلیکونه ورکړل شول.
